दुबई पठाइदिने भन्दै १० लाख ठग्ने ढोरपाटनका मगर पक्राउ

दुवईमा रोजगारीमा लगाइदिने भन्दै लाखौँ ठगी गर्ने एक जनालाई पक्राउ गरेको छ।

महानगरीय प्रहरी अपराध महाशाखाको टोलीले बाग्लुङ ढोरपाटन ४ खुङ्गाका शिव कुमार घर्ती मगरलाई काठमाडौंको गोंगबुबाट पक्राउ गरेको हो ।

घर्ती मगरले ठगेर अलपत्र भएको भन्दै पीडित खगेन्द्र चौधरीले उजुरी दिएका थिए।

रानीवन बस्दै आएका मगरले ९ जनालाई वर्किङ भिसा लगाइदिने भनी १० लाख ५३ हजार १ सय रुपैयाँ ठगी गरेको आरोपमा पक्रउ गरेको हो ।

उनलाई थप कारबाहीका लागि महानगरीय प्रहरी परिसर काठमाडौं टेकु पठाएको प्रहरीले जनाएको छ ।