फागुन १२ गते २०७६

ताजा समाचार

फागुन १२ गते २०७६

प्रदेश प्रमुखले लिए भर्चुअर रियालिटी अनुभव



आइतबार दिउँसो पोखरा नयाँबजारको प्रदर्शनी केन्द्र पुगेका गण्डकीका प्रदेश प्रमुख अमिक शेरचनले क्यान इन्फोटेकका स्टलहरु अवलोकन गरे । कस्मिक कम्प्यिुटिङ सोलुसनको स्टलमा पुगेका शेरचनले आफ्नो चश्मा खोले र अर्काे लगाए ।

उनले भचुअल रियालिटी सेट प्रयोग गरी रोलक कोस्टरको अनुभव लिएका हुन् । भर्चुअल रियालिटी हेरिसकेपछि शेरचनले काल्पनिक भए पनि वास्तविककै जस्तो अनुभव भएको सुनाए । माक्र्सवादमा विश्वास गर्ने उल्लेख गर्दै उनले भूतप्रेत आएको चाहिँ आफूलाई त्यति निको नलागेको प्रतिक्रिया दिए ।

हाइ लेभलका एमएसआइ गेमिङ कम्प्युटर बिक्रेता कस्मिक कम्पप्युटरले थ्रिडी एनिमेसन, भिडियो इडिटिङ, ग्राफिक्समा काम गर्न चाहनेहरुलाई उपयुक्त कम्प्युटरहरु प्रदर्शनी तथा बिक्रीमा राखेको सञ्चालक पुरुषोत्तम कुँवरले बताए ।

क्यान इन्फोटेकमा कस्मिकले एमएसआई ब्रान्डका नयाँ उत्पादन आरटिएक्स सिरिजका ग्राफिक्स कार्ड, टेन्थ जेनेरेसन, टप सिरिजको प्रोसेसरयुक्त कम्प्युटर बिक्री तथा प्रदर्शनीमा राखेको छ । इन्फोटेकमा डिजाइनर तथा फोटोग्राफरका लागि आवश्यक मोनिटर, फोरके रिजोलुसनयुक्त प्रोजेक्टर, मोनिटर, एसएसडी एक्स्टर्नल र इन्टर्नल हार्डड्राइभ, व्यावसायिक प्रयोजनका लागि हाइरेन्जका कम्प्युटर तथा ल्यापटप पनि कस्मिकले प्रदर्शनी तथा बिक्री गर्ने छ ।