गोठमा आगलागीमा हुँदा महिलाको मृत्यु

जुम्लाको कनकासुन्दरी गाउँपालिका–२ मालिकाबोतामा आगलागी हुँदा एक महिलाको मुत्यु भएको छ ।

गएराति प्रेम ऐडीको एकतले गोठमा आगलागी हुँदा गोरु फुकाउन गएकी उनकी ४५ वर्षीया श्रीमती भेटेनी ऐडीको निस्सासिएर प्रेमकी ४५ वर्षीया श्रीमती भेटेनी ऐडीको मुत्यु भएको हो ।

आगलागीबाट एक गोरु र एक कुखुरासमेत जलेर नष्ट भएको छ ।

आगलागी हुनाका कारण र क्षतिको विवरणबारे मुचुल्का उठाउन प्रहरीको टोली जिल्लाबाट घटनास्थलमा पठाइसकेको जिल्ला प्रहरी कार्यालय जुम्लाले जनाएको छ ।