४० लाख ठगी आरोपमा शिवानन्द स्वामी बाबा पक्राउ

‘युरोप पठाइदिन्छु’ भन्दै ठगी गर्ने शिवानन्द स्वामी बाबाबाट चिनिने दिपक भण्डारी पक्राउ परेका छन्।

युरोप लगिदिन्छु भन्दै ४ जनाबाट ४० लाख बढी ठगी गरेको आरोपमा महानगरीय अपराध महाशाखाको टोलीले सोमबार काठमाडौंबाट पक्राउ गरेको हो।

उनीविरूद्ध ५ जनाको उजुरी परेपछि सोमबार बिहान प्रहरीले पक्राउ गरेको एसएसपी सहकुल थापाले जानकारी दिए।

स्थायी घर गुल्मी भएका भन्डारी टौदहमा आश्रम निर्माण गरेर बस्दै आएका थिए।