पौष २६ गते २०७६

ताजा समाचार

पौष २६ गते २०७६

बालबालिकाको कान पाक्ने समस्या : यस्ता छन् समाधानका उपाय



Image result for कान किन पाक्छ

कानमा सबैभन्दा बढि देखिने समस्या भनेको पाक्ने हो । यो जुनसुकै उमेरका मानिसलाई हुन सक्छ। तर, यस समस्याबाट बढि मात्रामा बालबालिका प्रभावित हुने गर्दछन् ।

सामान्यतया कानभित्र संक्रमण वा चोट लाग्दा त्यहाँबाट तरल पदार्थ बग्नुलाई कान पाक्नु भनिन्छ । बनावटका आधारमा बाहिरी, मध्य र भित्री गरी कानलाई तीन भागमा वर्गिकरण गरिएको हुन्छ ।

कानको मध्य भागमा संक्रमण हुँदा पिप जम्छ र जमेको पिप बाहिर निस्कनुलाई कान पाकेको भनिन्छ । बच्चाहरुमा कान पाक्दा कान दुख्ने, ज्वरो आउने र रुघाखोकी लाग्ने जस्ता लक्षणहरु देखिन्छन् ।

कान पाकेको लामो समय भएमा शरीरका अन्य अंग पनि प्रभावित हुँदै जान्छन् ।

बालबालिकाको कान किन पाक्छ ?

बच्चालाई लामो समयसम्म रुघाखोकी लाग्दा वा आमाले सुतेर दुध ख्वाउँदा बच्चालाई कान पाक्ने समस्या देखिन्छ ।

आमाको दुध खाँदा बच्चालाई असजिलो भए वा कानमा दुध पसेमा पनि यो समस्या देखिन सक्छ ।

फोहोर पानीमा खेल्ने, नुहाउँदा कानमा पानी परेमा वा कानको जालीमा असर पर्ने गरी कान कोट्याउँदा पनि बच्चाको कान पाक्न सक्छ ।

बालबालिकामा नाक बन्द हुँदा, नाकभित्र र घाँटीको माथिल्लो भागमा मासु पलाउँदा तथा पिनास हुँदा पनि कान पाक्न सक्छ ।

Image result for कान किन पाक्छ

कान पाक्न नदिने ८ उपायहरु

१. आमाले दूध खुवाउँदा कानमा पर्न दिनुहुँदैन।

२. बच्चाको कानमा तेल हाल्नु हुदैन । यसले पनि कान पाक्ने समस्या हुनसक्छ ।

३. बच्चाहरुलाई फोहर पानीमा खेल्न दिनुहुँदैन।

४. बच्चालाई नुहाउँदा कानमा कपास राखेर नुहाइदिने गर्नुपर्छ ।

५. बच्चालाई रुघाखोकी लाग्नबाट बचाउने वा लागेमा तत्काल उपचार गराउनुपर्छ।

६. बच्चाको कान जे पायो त्यहिले कोट्याउनु हुँदैन।

७. कानमा समस्या देखिए मनलाग्दी औषधिको प्रयोग गर्नुहुदैन।

८. कान दुख्दा तुलसी पातको रस, गाईको गहुँत हाल्नु हुदैन ।


हाम्रो बारेमा
नेपालदुत पाठकसम्म समाचार, सूचना, विचार र मनोरञ्जन पुर्याउने डिजिटल दुत हो । संसारमा आविष्कार भएका नयाँ प्रविधि, विश्वका घटना क्रमदेखि नेपाली पुगेका ठाउँका गतिविधि पनि हाम्रा सरोकारका विषय हुन् । नेपालदुत मिडिया प्रालि पोखराबाट सञ्चालित यो समाचार पोर्टलले विचार, विश्लेषणमा सिमित नरही खोजी पत्रकारितालाई पनि बढाबा दिने लक्ष्य…
पूरा पढाैं