ताजा समाचार

मंसिर १३ गते २०७६

हेमजामा परिधि परिचर्चा

हेमजा साहित्य प्रतिष्ठानको नियमित शुभप्रभात काव्यमाला र कथाकार रीता ताम्राकारको चौथो कथाकृति अनाम परिधिको परिचर्चा शुक्रबार भएको छ । कृतिको लक्ष्मी थापाले परिचर्चा गरिन् ।

१ सय ९९ आंै शृंखलामा प्राज्ञ सूर्य खड्काले रचना प्रस्तुत गर्दै साहित्यले मानव जीवनलाई पूर्णता दिने बताए ।

कार्यक्रममा संस्थापक अध्यक्ष जनार्दनशरण त्रिपाठी, शोभाकर तिमिल्सिना, पत्रकार असफल गौतम, संस्थाका उपाध्यक्ष छन्दमणी त्रिपाठी लगायतले बोलेका थिए । काव्यमालामा आर्या त्रिपाठी, शिव त्रिपाठी, शास्त्र निदी, विष्णु बास्तोला, बालकृष्ण शर्मा, विष्णुप्रसाद पराजुली, गोविन्द पराजुली, पोषराज पौडेलले रचना प्रस्तुत गरेका थिए ।

संस्थाका अध्यक्ष कृष्णप्रसाद पौडेलको अध्यक्षतामा भएको कार्यक्रम सञ्चालन सचिव वसन्त बास्तोलाले गरेका थिए ।