पोखरा रंगशालाको पुर्व र पश्चिम प्यारापिट जडान


पोखरा रंगशाला फुटबल मैदानको दायाँ वायाँ प्यारापिट जडान(ग्राण्डस्ट्याण्ड इन्स्टलेशन) शुरु गरिएको छ । आईतबार र सोमबार गरी १५ कन्टेनर सामान आईपुगेपछि दुई फ्रान्सेली प्राविधिकको उपस्थितिमा प्यारापिट जडानको काम शुरु भएको हो ।

पहिलो चरणमा फुटबल मैदानको पुर्व र पश्चिम तर्फ प्यारापिट जडान गरिने छ । मंसिर १५ गते पोखरा रंगशाला फुटबल मैदानमा १३ औं दक्षिण एशियाली खेलकुद(साग) अन्तर्गत महिला फुटबल प्रतियोगिता हुदैं छ । त्यसको तयारी स्वरुप प्यारापिट जडान कार्य शुरु गरिएको निर्माण कम्पनीले जनाएको छ ।

फुटबल मैदान निर्माण कम्पनी भारतीय ग्रेड स्पोर्टस प्रालि तथा एम.ए कन्ट्रक्सन प्रालिको संयुक्तमा गएको फागुनदेखि फुटबल मैदान निर्माण कार्य शुरु गरिएको थियो । कम्पनीका प्रोजेक्ट म्यानेजरको रुपमा रहेको दिपक बरालका अनुसार एकसाताभित्रमा प्यारापिट जडान गरिने छ ।

उनले प्रतिबद्धता गरे अनुसार ८ हजार भन्दा बढी दर्शक क्षमताको प्यारापिट जडान गरिने छ । मैदानको दुबो समेत फेरिएको छ । मरेको दुबोको ठाँउमा नयाँ दुबो हालिसकिएको छ । मैदानको लागि प्राविधिकहरुले आवश्यकता अनुसार पानी, मलको प्रयोग गर्दै आएका छन् । फुटबल प्रतियोगिता शुरुहुन केही दिनमात्रै बाँकी रहदाँ काम भने रातदिन भईरहेको छ ।

kheladinews.com


हाम्रो बारेमा
नेपालदुत पाठकसम्म समाचार, सूचना, विचार र मनोरञ्जन पुर्याउने डिजिटल दुत हो । संसारमा आविष्कार भएका नयाँ प्रविधि, विश्वका घटना क्रमदेखि नेपाली पुगेका ठाउँका गतिविधि पनि हाम्रा सरोकारका विषय हुन् । नेपालदुत मिडिया प्रालि पोखराबाट सञ्चालित यो समाचार पोर्टलले विचार, विश्लेषणमा सिमित नरही खोजी पत्रकारितालाई पनि बढाबा दिने लक्ष्य…
पूरा पढाैं