घुुस लिँदै गर्दा कार्यबहाक वडा अध्यक्ष रंगेहात पक्राउ


मोरङको जहदा गाउँपालिका–१ का कार्यबहाक वडा अध्यक्ष उमेशकुमार साह मंगलबार घुस रकम लिँदै गर्दा अख्तियारको फन्दामा परेका छन् ।

घुस वापत २१ हजार रुपैयाँ लिँदै गर्दा अख्तियार दुरुपयोग अनुसन्धान आयोग इटहरीको टोलीले साहलाई वडा कार्यालय भित्रैबाट रंगेहात पक्राउ गरेको हो । सडक स्तरोन्नतीका लागि दुई लाख रुपैयाँको योजना सम्झौता गर्ने क्रममा साहले घुस मागेको आयोग इटहरीका प्रवक्ता ज्ञानेन्द्र ढकालले बताए ।

उनकाअनुसार १० प्रतिशत घुस मागेको खुलेको छ । उक्त योजनाको सम्झौता सोमबार नै गर्नु पर्ने थियो । एक दिन ढिलो मंगलबार सम्झौता गर्न आएको भन्दै साहले माग गरेको २० हजारमा एक हजार थप गरेर २१ हजार रुपैयाँ माग गरेको पुष्टि भएको प्रवक्ता ढकालले बताए । साहमाथि कारबाही अघि बढाउन आवश्यक अनुसन्धान थालिने उनको भनाइ छ ।

वडा अध्यक्ष प्रदीप यादव हत्या अभियोगमा लामो समयदेखि फरार छन् । विराटनगर महानगरपालिका–१४ का समानन्द मण्डलको गत जेठ ३२ गते गरिएको कुटपिटका कारण असार २७ गते मृत्यु भएको घटनामा प्रदीप मुछिएका छन् । त्यही घटनादेखि वडा अध्यक्ष फरार भएपछि वडा सदस्य साहलाई कार्यबहाक वडा अध्यक्षको जिम्मेवारी दिइएको थियो ।


हाम्रो बारेमा
नेपालदुत पाठकसम्म समाचार, सूचना, विचार र मनोरञ्जन पुर्याउने डिजिटल दुत हो । संसारमा आविष्कार भएका नयाँ प्रविधि, विश्वका घटना क्रमदेखि नेपाली पुगेका ठाउँका गतिविधि पनि हाम्रा सरोकारका विषय हुन् । नेपालदुत मिडिया प्रालि पोखराबाट सञ्चालित यो समाचार पोर्टलले विचार, विश्लेषणमा सिमित नरही खोजी पत्रकारितालाई पनि बढाबा दिने लक्ष्य…
पूरा पढाैं