ताजा समाचार

मंसिर २ गते २०७६

तनहुँमा चितुवाको बच्चा मृत फेला

तनहुँमा चितुवाको एउटा बच्चा मृत फेला परेको छ । जिल्लाको व्यास नगरपालिका नगरपालिकाको वडा नं-७ स्थित साखुलीमा रहेको लोक कल्याणकारी सामुदायिक वनमा अन्दाजी २ वर्षको चितुवाको बच्चा सोमबार बिहान फेला परेको हो ।

मृत चितुवाको बच्चा अन्दाजी १० केजीको छ । पेट फुटेको र घाउचोट लागेको अवस्थामा भेटिएको चितुवाको बच्चालाई भाले चितुवाले मारेको हुनसक्ने अनुमान वन कार्यालयका कर्मचारीहरूले गरेका छन् ।

मृत चितुवाको मुचुल्का उठाइ डिभिजन वन कार्यालय, तनहुँको परिसरमा गाडिएको तनहुँका प्रमुख जिल्ला अधिकारी रूद्रप्रसाद पण्डितले जानकारी दिएका छन् ।