प्रहरीले पक्राउ गरेका सैनिक जवानको मृत्यु भएपछि चितवनको इच्छाकामना गाउँपालिका–३ मा स्थानीयले पृथ्वी राजमार्ग बन्द गराएका छन् ।
इच्छाकामना गाउँपालिका–५ का २८ वर्षीय राम कँडेलको अस्थाइ प्रहरी पोष्ट फिस्लिङ नजिकैको भीरबाट लडेर मृत्यु भएपछि स्थानीयले आज दिउँसो १२ बजेपछि राजमार्गमा उत्रिएर सडक अवरुद्ध गरेको इलाका प्रहरी कार्यालयले जनाएको छ ।
मृतक कँडेल नेपाली सेनाको वर्दबहादुर गण सिन्धुलीमा जवानका रुपमा कार्यरत रहेका थिए ।






