ताजा समाचार

कार्तिक २७ गते २०७६

टिपर दुर्घटना हुँदा २ को मृत्यु

पाँचथरको हिलिहाङ गाउँपालिका–४, सालिङ्गेमा गएराति टिपर दुर्घटना हुँदा २ जनाको मृत्यु भएको छ ।

धादिङ घर भएका चालक विनोद तामाङ र हिलिहाङ–२ घर भएका भीम तामाङको मृत्यु भएको हो ।निर्माणाधीन पुष्पलाल (मध्यपहाडी) लोकमार्गमा काम गरेर फर्कँदै गरेको बा २ क २९२० नंम्बरको टिपर सडकबाट करिब १०० मिटर तल झरेर दुर्घटना भएको हो ।

दुवैको घटनास्थलमै मृत्यु भएको र शव परीक्षणका लागि पाँचथर जिल्ला अस्पताल ल्याइएको जिल्ला प्रहरी कार्यालय, पाँचथरले जनाएको छ ।