सन् २०२२ को कतार विश्वकप फुटबल छनोट खेलिरहेको नेपालले तयारीस्वरूप आज म्यानमारसँग मैत्रीपूर्ण खेल खेल्दै छ ।
नेपाली राष्ट्रिय फुटबल टोलीले नेपाल र म्यानमारबीचको मैत्रीपूर्ण खेल मन्डला थिरी स्टेडियममा हुनेछ । खेल नेपाली समयअनुसार अपराह्न सवा ४ बजे सुरु हुनेछ ।
विश्वकप छनोटअन्तर्गत घरेलु मैदानमा हुने कुवेतसँगको खेलअघि नेपालले म्यानमारसँग मैत्रीपूर्ण खेल खेल्न लागेको हो । म्यानमारसँगको मैत्रीपूर्ण खेललाई नेपालले कुवेतसँगको तयारीका रूपमा लिएको छ । कुवेतसँगको खेल नेपालको पहिलो घरेलु खेलसमेत हो ।
यसअघि नेपालले सन् २००८ मा भएको एएफसी च्यालेन्ज कपमा म्यानमार सँग ३–० को पराजय बेहोरेको थियो ।
