ताजा समाचार

कार्तिक २० गते २०७६

अफिन गण्डकीको अध्यक्षमा अशोक पालिखे

निजी अस्पतालहरूको छाता संगठन एशोसिएशन अफ प्राइभेट हेल्थ इन्स्टिच्युट अफ नेपाल (अफिन) को गण्डकी प्रदेश अध्यक्षमा शिक्षासेवी तथा स्वास्थ्यसेवी अशोक पालिखे चयन भएका छन् ।

मंगलबार पोखरामा सम्पन्न निजी अस्पतालका सदस्यहरुको एक भेलाले पालिखेलाई अध्यक्षमा चयन गरेको हो । समितिको उपाध्यक्षमा डा गिरधारी शर्मा, सचिव ऋषि खतिवडा, कोषाध्यक्ष डा. पुजन शर्मा चयन भएका छन् ।

यसैगरी सदस्यहरुमा गौतम पौडेल, विश्व घिमिरे, कपिल पोख्रेल र तुलबहादुर राना रहेका छन् । यसैगरी सल्लाहकारहरुमा डा पदमबहादुर खड्का, डा. प्रेम पुन र डा. ऋषिराम ढकाल रहेका छन ।

गण्डकी प्रदेशमा स्थापित अस्पतालहरुको सेवा सुविधा र त्यसको गुणस्तरीयतमा बृद्धि गर्न, प्रगतिको मूल्याङ्कन गर्ने, साथै आइपर्ने समस्याहरुलाई समाधान गर्न सबै निजी अस्पतालहरु एकजुट हुनुपर्ने उदेश्यका साथ समिति गठन भएको समितिका अध्यक्ष अशोक पालिखेले बताए ।

पोखरा लगायत गण्डकी प्रदेशका हस्पिटलको प्रगतिका साथै आम सेवाग्राहीहरुलाई थप गुणस्तरीय स्वास्थ्य सेवा दिन निजी अस्पतालहरु प्रतिबद्ध हुनुपर्ने भेलामा सहभागी अस्पतालका सदस्यहरु धारणा राखेका थिए ।