नेपाली काँग्रेस धादिङका सभापति रमेश धमला मोटरसाईकल दुर्घटनामा परी घाईते भएका छन् ।
शुक्रबार साँझ ५ बजे नीलकण्ठ–१३, साङ्कोस, खुरपाखोलामा भएको एक कार्यक्रम सकेर धादिङवेशी फर्कदै गरेका धमला मोटरसाइकल दुर्घटनामा परेका थिए । दुर्घटनाको कारण भने खुलाइएको छैन ।
धमला धादिङ अस्पतालमा सामान्य उपचार पश्चात् काठमाडौंको ग्राडी अस्पतालमा उपचारत छन् । उनको दाहिने खुट्टामा गम्भीर चोट लागेको बताईएको छ । यो समाचार धादिङपोष्टले प्रकाशित गरेको छ ।






