साफ यू-१५ महिला च्याम्पियनसिपको दोस्रो खेलमा नेपाल बंगलादेशसँग पराजित भएको छ ।
शुक्रबार भएको खेलमा नेपाल बंगलादेशसँग २-१ गोल अन्तरले पराजित भएको हो । बंगलादेशले खेलको पहिलो हाफमा दुई गोल गरेको थियो ।
बंगलादेशका लागि खेलको १२ औँ मिनेटमा साहेद अक्तर रिपाले गोल गर्दै सुरुआती अग्रता दिलाएका थिए ।
त्यस्तै खेलको २५ औँ मिनेटमा बंगलादेशकी कप्तान सेमसुनहारले पेनाल्टीमार्फत गोल गर्दै टिमको अग्रता दोब्बर बनाइन् ।
यता नेपालका लागि खेलको ६४ औँ मिनेटमा अमिषा कार्कीले एक गोल फर्काइन् । नेपाल प्रतियोगिताको पहिलो खेलमा नेपाल भारतसँग ४-१ गोलले पराजित भएको थियो ।
