ताजा समाचार

असाेज २० गते २०७६

झापा पुगेका प्रधानमन्त्री ओली आजै काठमाडौं फर्कंदै, यस्तो छ कारण

प्रधानमन्त्री एवं नेपाल कम्युनिस्ट पार्टी (नेकपा) का अध्यक्ष केपी शर्मा ओली सोमबार गृहजिल्ला झापामा आयोजित शुभकामना आदानप्रदान कार्यक्रममा सहभागी भएका छन्।

दशैँ, तिहार, छठको उपलक्ष्यमा दमकमा सोमबार आयोजित शुभकामना आदानप्रदान कार्यक्रममा सहभागी हुन सोमबार बिहान प्रधानमन्त्री ओली भद्रपुर विमानस्थल आइपुग्दा पार्टी नेता तथा सरकारी अधिकारीले स्वागत गरेका थिए ।

प्रधानमन्त्री ओलीले बर्सेनी दशैँ, तिहार र छठ पर्वका अवसरमा विगत २५ वर्षदेखि शुभकामना आदानप्रदान कार्यक्रमको आयोजना गर्दै आएका छन् । 

कार्यक्रममा प्रदेश नं १ सरकारका उच्चपदाधिकारी र नेपाली काङ्ग्रेसका नेता कृष्णप्रसाद सिटौलालगायत सहभागी छन् । 

प्रधानमन्त्री ओली आजै काठमाडौँ फर्कने कार्यक्रम रहेको उनका प्रेस संयोजक चेतन अधिकारीले जानकारी दिए ।

भोलि मंगलबार टिकाको दिन परेका कारण ओली आजै काठमाडौं फर्कन लागेका हुन् । उनले भोलि सर्वसाधारणलाई टिका लगाइदिने कार्यक्रम तय भएको छ ।


Loading...