महरालाई सिंहदरबारमा राखिने


जबरजस्ती करणी प्रयासको अभियोगमा पक्राउ परेका निवर्तमान सभामुख कृष्णबहादुर महरालाई प्रहरीले बालुवाटारबाट पक्राउ परेको छ । महरालाई बालुवाटारस्थित सभामुखको सरकारी निवासबाट पक्राउ गरिएको हो । 

प्रहरी स्रोतका अनुसार महराले प्रहरीको गाडीमा जान अस्वीकार गरेका थिए । महराको भनाइ उद्धृत गर्दै एक प्रहरी अधिकारीले भने, “म आफ्नै गाडीमा जान्छु । प्रहरीको अनुसन्धानलाई सघाउँछु । मेरै गाडीमा प्रहरीलाई पनि बसाउनुस् ।”

महराको प्रस्तावलाई प्रहरीले स्वीकार गरेको थियो । सिंहदरबार वृत्तमा राखिने महरालाई परिसर काठमाडौंले मुद्दा प्रक्रियामा अगाडि लैजानेछ ।

महरालाई पक्राउ गर्न प्रहरी परिसर काठमाडौं, अपराध महाशाखा र वृत्त बानेश्वरको टोली निवासमा पुगेको थियो ।  

महरालाई पक्राउ गर्न काठमाडौं जिल्ला अदालतले आज अनुमति दिएपछि उनी आजै पक्राउ परेका हुन् । महराविरुद्ध पीडित महिलाले गएको शुक्रबार बानेश्वर प्रहरीमा उजुरी दर्ता गराएकी थिइन् । 


हाम्रो बारेमा
नेपालदुत पाठकसम्म समाचार, सूचना, विचार र मनोरञ्जन पुर्याउने डिजिटल दुत हो । संसारमा आविष्कार भएका नयाँ प्रविधि, विश्वका घटना क्रमदेखि नेपाली पुगेका ठाउँका गतिविधि पनि हाम्रा सरोकारका विषय हुन् । नेपालदुत मिडिया प्रालि पोखराबाट सञ्चालित यो समाचार पोर्टलले विचार, विश्लेषणमा सिमित नरही खोजी पत्रकारितालाई पनि बढाबा दिने लक्ष्य…
पूरा पढाैं