ताजा समाचार

असाेज १३ गते २०७६

मार्बलले च्याप्दा मजदूरको मृत्यु

गोरखा नगरपालिका–६ स्थित हरमटारीमा निर्माणाधीन भवनको मार्बल झार्ने क्रममा च्यापिएर एक मजदूरको मृत्यु भएको छ ।

भूकम्पले क्षति पुयाएपछि निर्माणाधीन जिल्ला अदालत गोरखाको भवनका लागि ल्याइएको मार्बल झार्ने क्रममा सिरहा मोतीपुर घर भएका ३० वर्षीय नागेन्द्र शाहानीको च्यापिएर गए राति मृत्यु भएको जिल्ला प्रहरी कार्यालय गोरखाका प्रहरी नायब उपरीक्षक मित्रबन्धु शर्माले जानकारी दिएका छन् ।

ट्रकभित्र मार्बल अनलोड गर्न पसेका बेला एकातिरको सामान निकाल्दै गर्दा अर्कोपट्टिको मार्बल बण्डल झरेर शाहानीको छातीमा लागेको थियो मार्बल गह्रौ हुने भएकाले तत्काल नै बढी असर परेर ज्यान गएको हो । च्यापिएर गम्भीर घाइते शाहानीको उपचारका लागि गोरखा अस्पताल पु¥याएलगत्तै अस्पतालले मृत घोषणा गरेको थियो ।

मृतको शव परीक्षण गरी आजै आफन्तलाई बुझाउने प्रहरीले जनाएको छ ।


Loading...