भाद्र ३० गते २०७६

ताजा समाचार

भाद्र ३० गते २०७६

मुख्यमन्त्री गुरुङद्धारा सहारा एकेडेमीलाई ३० लाख सहयोगको घोषणा



गण्डकी प्रदेश सरकारले पोखराको दोविल्लास्थित सहारा एकेडेमीका लागि ३० लाख रुपैयाँ सहयोग गर्ने घोषणा गरेको छ ।

सहारा क्लबको ११ औं अधिवेशन उदघाटन गर्दै मुख्यमन्त्री गुरुङले उक्त सहयोग गर्ने घोषणा गरेका हुन् ।

‘हिमालयन आँखा अस्पताललाई ५० लाख, एसओएस बालग्रामलाई १ करोड सहयोग गरिएको छ । सहारा एकेडेमी पोखरामा रहेका २४ जना जुनियर खेलाडीको सहयोगार्थ लाग्ने वार्षिक खर्च २० देखि ३० लाख खर्च प्रदेशले व्यहोर्छ’ मुख्यमन्त्री गुरुङले भने ।

साथै मुख्यमन्त्री पृथ्वीसुब्बा गुरुङले राजनीतिक हस्तक्षेपबाट मुक्त संघसंस्थामा राम्रो काम भैरहेको बताए ।

नेपालमा राजनीतिक भागवण्डाकै कारण धेरै संस्थामा अस्थिरता देखिएको भन्दै मुख्यमन्त्री गुरुङले राजनीतिक हस्पक्षेप मुक्त संस्थाले तुलानात्मक रुपमा राम्रो भएको आफूले पाएको बताए ।

हिमालयन आँखा अस्पताल पोखरा, एसओएस बालग्राम पोखरा र सहारा क्लब पोखरा राम्रो काम गर्ने संस्था भएको उदाहरण दिए ।

‘यी संस्थाले सरकारबाट हालसम्म अनुदान पाएका छैनन् तर विभिन्न क्षेत्रबाट रकम जम्मा गरेर उदाहरणीय काम गरिरहेका छन्’, उनले भने, ‘यस्ता संस्थालाई प्रदेश सरकारले सधैं प्रोत्साहन गर्छ र आवश्यक सहयोग गर्छ ।’

अझै पनि देश निर्वाहमुखी र गुजरामुखी अवास्थामा रहेको दृष्टान्त दिंदै मुख्यमन्त्री गुरुङले सबै मिलेर यस्ता अवास्थालाई माथि उठाउनुपर्ने आवश्यकता औंल्याए ।

मुख्यमन्त्रीले राम्रो काम गर्ने संघसस्थाले प्रदेशले अनुदान दिने योजना प्रदेशको रहेको समेत सुनाए ।

सो अवसरमा साहारा पत्रकारिता पुरुस्कारबाट नागरिक दैनिकका पत्रकार सन्देश श्रेष्ठलाई सम्मान गरिएको छ । पुरुस्कारको राशी २० हजार ५ सय ५५ रुपैयाँ र प्रमाणपत्र छ ।