ताजा समाचार

भाद्र २२ गते २०७६

रामेश्वर कृषि सहकारीमा डिल्लीराम भट्टराई

पोखरा १७ बिरौटामा रहेको रामेश्वर कृषि सहकारीको छैटौं साधारणसभा तथा तेस्रो अधिवेशनले डिल्लीराम भट्टराईको अध्यक्षतामा १३ सदस्यीय सञ्चालक समिति निर्वाचित गरेको छ । समितिको उपाध्यक्ष शालिकराम भण्डारी, सचिवमा तारानाथ आचार्य, कोषाध्यक्षमा माधव आचार्य, सहसचिवमा विष्णुप्रसाद बराल, सहकोषाध्यक्षमा भोजराज आचार्य र सदस्यमा डिल्लीराम शर्मा पौडेल, इन्द्रा खत्री पोखरेल, तोयनाथ पौडेल, कृष्णकुमारी लामिछाने, कृष्ण अर्याल, खमबहादुर केसी र सीताराम गौतम छन् ।

कार्यक्रममा पोखरा १७ का अध्यक्ष तीर्थराज अधिकारीले सेयर सदस्यको सहकार्यबाट सहकारीको उन्नति सम्भव भएकाले योजना बनाएर उत्पादनशील क्षेत्रमा लगानी गर्न आग्रह गरे । कार्यक्रममा संस्थाका सल्लाहकार लीलाप्रसाद पंगेनी, विरुवा साकोस अध्यक्ष चित्रराज बराल, पोखरा पर्यटन परिषद् अध्यक्ष चिरञ्जीवी पोखरेल, अभियान्ता शुस्मा पौडेल, जिल्ला सहकारी संघ सञ्चालक नवराज बराल लगायतले बोलेका थिए ।

कार्यक्रममा एसइईमा उत्कृष्ट नतिजा ल्याउने सेयर सदस्यका छोराछोरीहरु, उत्कृष्ट कारोबार गर्ने सावित्रीकुमारी शर्मा बराल, भगवतीदेवी रेग्मी, पवित्रा सुवेदी भण्डारी, तारानाथ आचार्य र तोयानाथ पौडेल र उत्कृष्ट कर्मचारी तिलक आचार्यलाई सम्मान गरिएको छ । सभामा सबै ३ सय ३५ जना सेयर सदस्यलाई कृषि औजार तथा तरकारीका बिउ विजन वितरण गरिएको थियो ।

सभाले अध्यक्ष लक्ष्मण पोखरेलले संस्थाको वार्षिक प्रतिवेदन, कोषाध्यक्ष माधव आचार्यले आर्थिक प्रतिवेदन र लेखा समिति संयोजक अग्निधर पौडेलले लेखा समितिको प्रतिवेदन प्रस्तुत गरेका थिए ।
संस्थाका अध्यक्ष लक्ष्मण पोखरेलको अध्यक्षतामा भएको कार्यक्रममा उपाध्यक्ष डिल्लीराम भट्टराई, सचिव शालिकराम भण्डारी र शिक्षा उपसमिति संयोजक भोजराज आचार्यले बोलेका थिए ।