ताजा समाचार

भाद्र ६ गते २०७६

फुटबलमा नेपालको पहिलो जित

भारतमा जारी पाँचौं संस्करणको साफ यू–१५ पुरुष फुटबल च्याम्पियनसिप फुटबलमा नेपालले पहिलो जित निकालेको छ ।

भारतको कल्याणीमा शुक्रबार भएको खेलमा नेपालले श्रीलंकालाई २–० गोलले हरायो ।  नेपालको जितमा शशांक बोहोरा र अशिम राईले गोल गरे ।

नेपालले दुवै गोल दोस्रो हाफमा गरेको थियो । शशांकले ४६औं मिनेटमा गोल गरेका थिए ।

८३ औं मिनेटमा अशिमले गोल गर्दै नेपालको अग्रता दोब्बर बनाए । जितसँगै नेपालले दुई खेलबाट तीन अंक बनाएको छ ।

नेपाल पहिलो खेलमा आयोजक भारतसँग ५–० गोलले पराजित भएको थियो । नेपालले अब तेस्रो खेलम मंगलबार बंगलादेश र अन्तिम खेल बिहीबार भुटानसँग खेल्नेछ ।

नेपाल सहित बंगलादेश, भारत, श्रीलंका र भुटान सम्मिलित प्रतियोगिताका खेल राउन्ड रोविनको आधारमा सञ्चालन भएको छ । प्रतियोगिताको शीर्ष दुई टोलीबीच फाइनल भिडन्त हुनेछ । 


Loading...