श्रावण ३० गते २०७६

ताजा समाचार

श्रावण ३० गते २०७६

प्रधानमन्त्री ओली पुनः बिरामी भएपछि विदेश लैजाने तयारी



नेपाल कम्युनिस्ट पार्टी (नेकपा) अध्यक्ष एवं प्रधानमन्त्री केपी शर्मा ओली पुनः अस्वस्थ्य भएका छन् ।  साउन २७ गते सिङ्गापुरबाट उपचार गराएर फर्केका प्रधानमन्त्री ओली बिहीबार पुनः अचानक अस्वस्थ्य भएका हुन् ।  

प्रधानमन्त्रीको स्वास्थ्यमा थप समस्या देखिएपछि थप उपचारका लागि फेरि छिट्टै विदेश लैजाने तयारी भएको श्रोतले जनाएको छ ।

यसअघि सिंगापुरबाट उपचार गरेर फर्किपछि भदौ ५ गते फलोअपका लागि सिंगापुर जाने तयारी थियो । उनको अस्वस्थताका कारण बिहीबार बस्ने भनिएको क्याविनेट बैठक र पार्टी सचिवालयको बैठक समेत स्थगित भएको छ ।

साउन २८ गतेदेखि सचिवालय बैठक लगातार सर्दै आइरहेको थियो । आज ३ बजे बस्ने भनिएको बैठक चार बजेका लागि सारिएको थियो तर प्रधानमन्त्री ओलीको स्वास्थ्य अचानक विग्रेपछि बैठक स्थगित गरिएको हो ।

सचिवालय बैठकमा केन्द्रीय कार्यसमितिको कार्यविभाजन लगायतको विषयमा छलफल हुने एजेण्डा तय भएको थियो ।

कार्यविभाजनमा स्कूल विभाग कसले लिने कुरामा विवाद देखिएको छ । सो विभागका लागि प्रवक्ता नारायाणकाजी श्रेष्ठ र सचिवालय सदस्य ईश्वर पोखरेलले दावी गर्दै आएका छन् । 

स्कूल विभागको विवाद समाधान नभएका कारण अन्य विभागको जिम्मेवारी बाँडफाँड पनि सार्वजनिक गरिएको छैन ।