श्रावण २३ गते २०७६

ताजा समाचार

श्रावण २३ गते २०७६

चेतावनी



नढक्ढक्याऊ हाम्रो तगारो
धर्मका आडमा
झोलाभरि भरि
सम्मोहन फैलाउने
हरिया हरिया बिटा बोकेर
नआऊ रात बिरात
हाम्रो सौहाद्रता बिथोल्न।

यी पाखामा
झुत्रो टोपी
मैलो कछाड
टालेको भाङ्ग्रा
भोको पटुकी
युगौदेखि
राष्ट्रियताको एउटै नसाले सिञ्चित छन।

यी पखेरामा
दशै र ल्होसार
गौरा र तिज
इद र क्रिसमस
उधौली र माघी
एउटै अङ्गालोमा बेरिएर
सुक्सुकाइरहन्छन्
खित्खिताइरहन्छन्
तिमी जति नै आरिसले सल्किऊ
धाननाच र देउडा 
एक आपसमा पिरती गाॅसिरहन्छन्

कसैले खोतल्दैमा
जातको जरा
कसैले लगाउॅदैमा
धर्मको उकेरा
हामी बन्दैनौ बिचलित
हामी हुॅदैनौ टसमस

तसर्थ
बन्द गर आजैबाट
हाम्रो एकता धमिल्याउन
हाम्रो सहिष्णुता बिथोल्न
तिमीले उद्याइरहेको 
जात र धर्मको औजार!!

(2076/04/23)


हाम्रो बारेमा
नेपालदुत पाठकसम्म समाचार, सूचना, विचार र मनोरञ्जन पुर्याउने डिजिटल दुत हो । संसारमा आविष्कार भएका नयाँ प्रविधि, विश्वका घटना क्रमदेखि नेपाली पुगेका ठाउँका गतिविधि पनि हाम्रा सरोकारका विषय हुन् । नेपालदुत मिडिया प्रालि पोखराबाट सञ्चालित यो समाचार पोर्टलले विचार, विश्लेषणमा सिमित नरही खोजी पत्रकारितालाई पनि बढाबा दिने लक्ष्य…
पूरा पढाैं