ताजा समाचार

श्रावण २१ गते २०७६

भारतका पूर्व विदेशमन्त्री स्वराजको निधन

भारतका पूर्व विदेशीमन्त्री एवं भारतीय जनता पार्टीकी नेतृ शुष्मा स्वराजको निधन भएको छ । ६७ वर्षीय स्वराजको मंगलबार राति निधन भएको हो ।

मंगलबार राति अचानक हृदयघात भएपछि उनलाई एम्स अस्पताल लगिएको थियो । सन् २०१६ मा मृगौला प्रत्यारोपण गराएकी उनले स्वास्थ्यका कारण गएको लोकसभा चुनावमा पनि उम्मेदवारी दिइनन् ।

केन्द्रीय स्वास्थ्यमन्त्री हर्षबर्धन तथा केन्द्रीय सदस्‍य नितिन गडकरी एम्स अस्पतालमा पुगेका छन्। साथै सुष्माको श्रीमान र उनका परिवारका सदस्‍यहरु पनि अस्पताल पुगिसकेका छन्। यसअघि सुष्माले तीन घण्टा पहिले मोदीलाइ बधाई दिँदै काश्मिरको मुद्दामा ट्विट गरेकी थिइन्।