ताजा समाचार

श्रावण १३ गते २०७६

कक्षा १२ को नतिजा सार्वजनिक, कुन ग्रेडमा कति उत्तीर्ण ?

राष्ट्रिय परीक्षा बोर्डले कक्षा १२ को नतिजा सार्वजनिक गरेको छ। बोर्डले नियमित, ग्रेडवृद्धि र आंशिकतर्फ सबै विषयको नतिजा सार्वजनिक गरेको हो।

१२ को परीक्षा गत वैशाखमा सञ्चालन भएको थियो। यही साउन १३ गतेको निर्णयअनुसार नतिजा सार्वजनिक गरिएको बोर्डले जनाएको छ।

यस वर्ष परीक्षामा नियमिततर्फ २ लाख ९२ हजार १ सय ५३ जना, ग्रेडवृद्धितर्फ ७८ हजार ७ सय ४४ र आंशिकतर्फ ५७ हजार १ सय ७० गरी कुल ४ लाख २८ हजार ६७ जना विद्यार्थी सहभागी भएका थिए।

सोमबार सार्वजनिक नतिजाअनुसार नियमिततर्फ ३२ जना, ग्रेडवृद्धितर्फ ९ जना र आंशिकतर्फ १२ जना गरी कुल ५४ जनाको परीक्षा रद्द गरिएको बोर्डले जनाएको छ।

त्यस्तै परीक्षामा आंशिकतर्फ २३ हजार ९ सय १५ जना उत्तीर्ण भएका छन्। परीक्षामा सहभागी मध्ये ४,६८,०६७ मध्ये नियमिततर्फ २,९१,१५३, ग्रेडबृद्धि तर्फ ७८, ७४४ र आंशिकतर्फ ५७,१७० रहेका थिए । तिमध्ये ए प्लस ३,०६७ र ए ग्रेडमा १६,२०७ उत्तीर्ण भएका छन् ।

नियमिततर्फका कुल २ लाख ९२ हजार १ सय ५३ जनाको जीपीए यस्तो छ–

जीपीए                कुल 
 ३.६१–४.००               ३,०६७ 
 ३.२१–३.६०               १६,२०४
 २.८१–३.२०               ३१,०६२
 २.४१–२.८०               ५६,५०३
 २.०१–२.४०              ८६,२२७
१.६१–२.००               ६२,६१९
१.२१–१.६०               १९,५८५
०.८१–१.२०               ३,५२४
०–०.८०               १३,३६२

परीक्षाको नतिजा नेपाल टेलिकमको १६०० मा एसएमएस गरी थाहा पाउन सकिने बताइएको छ। एनईबी स्पेस सिम्बोल नम्बर टाइप गरी १६०० मा एसएमएस गर्दा नतिजा थाहा पाउन सकिने बोर्डले जनाएको छ।