निर्मलाको ‘भजानइल स्वाव’ संग आमाको डीएनए म्याच

कञ्चनपुरकी १३ बर्षीया बालिका निर्मला पन्तको बलात्कापछि हत्या भएको लामो समय बितिसक्दा अपराधीलाई प्रक्राउ गरी कारवाही गर्न नसकेको अवस्थामा उनको ‘भजानइल स्वाव’ माथि नै आशंका गरिएको थियो ।

सोही कारण मानवअधिकारकर्मी र  महिलाअधिकारकर्मीहरुको सल्लाह र माग बमोजिम निर्मलाकी आमा दुर्गादेवी पन्तले डीएनए टेष्टका लागि रगत दिएकी थिईन् । अन्तत निर्मलाको ‘भजानइल स्वाव’ संग आमाको डीएनए प्रोफाइल म्याच भएको छ ।

प्रोफाइल म्याच भएसँगै पहिले परीक्षणका लागि पठाइएको ‘भजाइलन स्वाब’ निर्मलाको भएको पुष्टि भएको छ । ‘भजानइल स्वाव’ प्रति नै सरोकारवालाहरुले आशंका गरेपछि घटनाबारे अनुसन्धान गरिरहेको टोलीले दुर्गादेवीको रगतको नमुना लिएर डीएनए जाँच गर्न प्रयोगशालामा पठाएको थियो ।