हेमजा बचत तथा ऋण सहकारी पोखरा २५ हेमजाले राधाकृष्ण वृद्धाश्रम लामेआहाललाई सहयोग गरेको छ । सहकारीको वार्षिकोत्सवको अवसरमा वृद्धाश्रमलाई १५ हजार ५५५, फलफूल र मिठाइ प्रदान गरिएको सहकारीका अध्यक्ष होतराज त्रिपाठीले बताए ।
वृद्धाश्रमका सञ्चालक समिति अध्यक्ष प्रेम लिगल यस्तै मनकारीको सहयोगले वृद्धाश्रम चलिरहेको बताए । सहकारीका सल्लाहकार मिनराज तिमिल्सिनाले समय समयमा विभिन्न वृद्धाश्रमलाई सहकारीले सहयोग गरिहेको बताए ।
कार्यक्रममा उपाध्यक्ष राजेन्द्रप्रसाद बास्तोला र सचिव विनोदप्रसाद त्रिपाठीले पनि बोलेका थिए ।
