मिस नेपालहरुको कुरा गर्नुपर्दा अधिकांश नेपाली सिनेमा क्षेत्रमा छन् । कोही अभिनयमा त कोही फिल्म निर्माणमा । रुबी राणा , झरना बज्रचार्य , मलिना जोशी , सृष्टी श्रेठ लगायत अभिनय क्षेत्रमा नै छन् उनीहरुले यस फिल्डमा नाम र दाम दुबै कमाउँन सकेका छैनन् भने निकिता चान्डकको फिल्म रानी महल पनि बिचमै सुटिङ रोकिएर थन्किएको छ । जब कोही मिस नेपाल हुन्छन् तब उनीहरुलाई फिल्मको अफर गएकै हुन्छ ।
कुरा गरौँ श्रृङखला खतिवडाको । हालै मिस वल्र्डको यात्रा सकेर विश्वभर चर्चामा आएकी श्रृङखलाको बौद्धिकता र सुन्दरता देखेर नलोभिएका कमै छन् । उनी चीनबाट नेपाल आएलगत्तै के तपाई फिल्ममा आउँनु हुन्छ भनेर सोधिएको थियो । उनले भने अभिनयमा आफुलाई रुची नभएको र कहिल्यै पनि फिल्ममा काम नगर्ने घोषणा नै गरेकी थिईन तथापी उनलाई फिल्मको अफर भने गरिएको छ ।
यतिबेला कुनै चर्चित सेलिब्रेटी भन्दा कम लोकप्रिय नरहेकी श्रृङखलाको उक्त चार्मलाई क्यास गर्न चाहानेहरु धेरै छन् । त्यसमध्यमा परिन् दीपा श्री निरौला । हालै दीपाले श्रृङखलालाई छक्का पञ्जा ४ को अफर को अफर गरेको बताएकीछिन् ।
नेपाल टेलिभिजनबाट प्रशारण हुने “मुन्द्रेको कमेडी क्लब” मा अतिथी बनेर गएकी श्रृङखलालाई फिल्मको अफर गरेकी हुन् । कार्यक्रम सकिएलगत्तै सञ्चारकर्मीहरुसंग कुराकानी गर्दे दीपाले श्रृङखलाको बौद्धिकता र सुन्दरताको पुल बाँधिन् ।
प्राय मिस नेपालहरुले नेपाली बोल्न नजानिरहेको सन्दर्भमा बोल्दै उनले श्रृङखलाको नेपाली बोल्ने शैलीबाट आफु प्रभावित भएको भन्दै छक्का पञ्जा ४ को अफर गरेको बताईन् । श्रृङखलाले पनि दीपाको प्रशंसापछि धन्यवाद दिँदै भनिन् फिल्मको पहिलो शो हेर्न चाहिँ आउँछु तर फिल्म गर्दिनँ । मकवानपुरको चेपाङ बस्तीका लागि श्रृङखलाको कामको प्रशंसा गर्दे समाजसेवालाई निरन्तरता दिन उनले आग्रह गरिन् ।
अब हेरौँ श्रृङखलाको यो घोषणा पछिसम्म लागु हुन्छ वा हुँदैन ।
