क्सन हिरोको नामले चर्चित अभिनेता निखिल उप्रेती अभिनित एक्सन चलचित्र ‘भिलेन’को ट्रेलर सार्वजनिक गरिएको छ । यसअघि निखिलकै चलचित्र ‘भैरव’ र ‘संरक्षण’को थोरै झलक रहेको चलचित्रको ट्रेलरले बताएको छ ।
ट्रेलर हेरेर निखिल निकै आर्कषक ढंगले चलचित्रमा इन्ट्रि गर्नेछन् भनेर बिश्वास गर्न सकिन्छ । चलचित्र भैरव र संरक्षणमा मधेशको परिवेशलाई देखाइए जस्तै भिलेनमा पनि मधेशको परिवेशलाई देखाइएको पाइएको छ ।
देबेन्द्र राज पाण्डेले निर्देशन गरेको चलचित्रलाई कपिल खत्री र बल बहादुर श्रेष्ठले निर्माण गरेका हुन् ।
निखिलको अलवा निशा अधिकारी, शिल्पा पोखरेल, कपिल खत्रीको मुख्य भूमिका रहेको चलचित्रमा बसन्त सापकोटा, लाल कुमार बराल र बाबुल गिरीको संगीत रहेको छ भने शुक्र राज शाहको द्वन्द, दिपक श्रेष्ठ र दिपेन्द्र तिमल्सिनाको कोरियोग्राफी रहेको छ ।
पौष २७ प्रर्दशनमा आउने चलचित्रमा सौरभ लामा र मदन कायस्प घिमिरेको छायांकन रहेको छ भने साहिल खान र मिलन श्रेष्ठको सम्पादन रहेको छ ।
