पोखरा महोत्सवलाई जगदम्बा स्टिलले साथ दिने भएको छ । पोखराको अमरसिंहचौरमा पुसको २७ देखि माघ ८ गतेसम्म हुने नवौं पोखरा महोत्सवमा जगदम्बा मुख्य प्रायोजक बन्ने भएको हो ।
जगदम्बा स्टिलको आधिकारिक बिक्रेता पोखराको रत्नचोकमा रहेको सिजी हार्डवेयर एन्ड सप्लायर्सका सञ्चालक दिनेशप्रसाद चौधरी र पोखरा महोत्सवका प्रायोजक व्यवस्थापन उपसमिति संयोजक लीलाबहादुर जिसीबीच मुख्य प्रायोजकको सम्झौता पत्रमा हस्ताक्षर भएको छ ।
चौधरीले पोखराबासीको चाहना पोखरामा चिडियाखाना स्थापना गर्ने भएकाले जगदम्बाले यो पटकको पोखरा महोत्सवमा सहकार्य गरेको बताए । जगदम्बाको आधिकारिक बिक्रेता सिजी हार्डवेयरबाट जगदम्बाका उत्पादन टिएमटी छड, जिआइ वायर, काटी, एंगल, सिमेन्ट लगायतका सामग्रीहरु बिक्री हुन्छन् ।
क्लबका अध्यक्ष लालकाजी गुरुङले पोखरा महोत्सवलाई विगत ४ वर्षदेखि साथ दिंदै आएको सिजी हार्डवेयर एन्ड सप्लायर्सले यो वर्ष पनि सहकार्य गर्ने मौका दिएकोमा धन्यवाद दिए ।
