लेखनाथ महोत्सवको १५ औं संस्करणको अवसरमा आयोजित कवितावाचन प्रतियोगितामा केआर ढका ल प्रथम भएका छन् ।
प्रतियोगितामा विवेचना घिमिरे द्वितीय, प्रेमनारायण ढकाल तृतीय भए । कविता वाचनमा श्रीराम अधिकारी, शाान्ता बास्तोला, सुरेश अधिकारी र देशबन्धु आचार्य सान्त्वना भएको कविता प्रतियोगिता संयोजक नवराज अधिकारीले जानकारी दिए ।
प्रतियोगिताको निर्णायकमा साहित्यकार रामजी लामिछाने संयोजक, गण्डकी साहित्य संगमका अध्यक्ष डा. कृष्णराज अधिकारी र साहित्यकार आनन्दमणि रिजाल सदस्य थिए ।
महोत्सव लेखनाथको संस्कृति स्थानीय उत्पादन विकास र समृद्धि भन्ने नाराका साथ पुस ५ गतेदेखि १६ गतेसम्म पोखरा २७ डाँडाकोनाक तालचोकमा हुने महोत्सव अन्तिम तयारीमा समेत जुटेको प्रचारप्रसार संयोजक गोपीचन्द्र बास्तोलाले जानकारी दिए ।
लेखनाथ महोत्वसमा कवि शिरोमणि लेखनाथ पौड्यालको सम्झनामा खुला कविता प्रतियोगिता राखिएको कविता प्रतियोगिता सहसंयोजक अम्बिकाप्रसाद भट्टराईले बताए । उनका अनुसार विजयी स्रष्टाका कविता महोत्सवको स्टेजमा वाचन गर्ने छन् ।
