लायन्स क्लब अफ पोखरा लेक सिटीले क्लब स्थापनाको रजत जयन्तीको अवसरमा आयोजना गरेको ह्विल चियर राष्ट्रिय बास्केटबल प्रतियोगितामा आयोजक टिम नै विजयी भएको छ ।
शनिबार भएको फाइनलमा आयोजक लेकसिटी ह्विल चियर बास्केटबलले जावलाखेल ह्विल चियर क्लबलाई २३–१४ स्कोरले पराजित गर्दै उपाधि जितेको हो ।
आयोजक टिमले २० हजार र उपविजेताले नगद १५ हजारका साथमा कप, मेडल र प्रमाणपत्र प्राप्त गरेका छन् । प्रतियोगितामा काठमाडौको सिआइएसएले नेपालगञ्जको ह्विल चियर बास्केटबल क्लबलाई १४–४ ले पराजित गर्दै तेस्रो स्थान प्राप्त ग¥यो भने नेपालगज सान्त्वना भयो । दुबै टिमले समान नगद ५ हजार प्राप्त गरेका छन् ।
प्रतियोगितामा आयोजक लेक सिटीका दानबहादुर थिङ उत्कृष्ट खेलाडी घोषित भए भने जावलाखेलका भरत विक उत्कृष्ट स्कोरर घोषित भएको प्रतियोगिता संयोजक विद्या मर्सानीले बताए ।
प्रतियोगितामा बिजेता टिम तथा खेलाडीलाई लायन्स इन्टरनेसनलका पूर्व गर्भनर धनराज आचार्य, गण्डकी प्रदेशका सांसद बिन्दुकुमार थापा, पूर्व मल्टिपल काउन्सिद चियर पर्सन दीपक श्रेष्ठ लगायतले पुरुस्कार तथा प्रमाणपत्र प्रदान गरेका थिए ।
