एजेन्सी-प्रिमियर लिगमा म्यानचेष्टर सिटीको अपराजित यात्रालाई चेल्सीले पूर्ण विराम लगाईदिएको छ । शनिबार राती भएको खेलमा चेल्सीले सिटीलाई २-० गोलले पराजित गर्दै अपराजित यात्रालाई विट मारिदियो ।
उता लिभरपुलले बर्नमाउथलाई पराजित गर्दै लिगको शीर्षस्थानमा उक्लिदाँ सिटी भने एक अंक हुदाँ दोस्रो स्थानमा खुम्चिएको छ । चेल्सीसँगको पराजयले दोस्रो स्थानमा खुम्चिए पनि चेल्सी भने चौथो स्थानमा यथावत छ । समान अंक भएको आर्सनल भने पाँचौ स्थानमा छ ।
पहिलो हाफको इन्जुरी समय हुनु अघि चेल्सीले सिटीलाई स्तब्ध बनायो । एन गोलो कान्टेले ४५ औं मिनेटमा गोल गरेपछि चेल्सीले अग्रता लिदैं खुशीयाली मनायो । दोस्रो गोल भने ओभरल्यापमा गएका डिफेन्डर डेविड लुईसले हिर्काए । लुईसले ७८ औं मिनेटमा गोल गरेपछि सिटीका दर्शकलाई अध्यारो छाउँदा चेल्सीका दर्शकमा भने जितको खुशीले उज्यालो बनाईदिएको थियो ।
बलमाथिको नियन्त्रण ३९ प्रतिशत चेल्सीको रहदाँ ६१ प्रतिशत बल भने सिटीले होल्ड गरेको थियो । खेलमा नियन्त्रण राखेपनि सिटीले भने प्रभावकारी मुभ बनाउन नसक्दा हार स्वीकार्दै दोस्रो स्थानमा झर्यो ।
source : kheladinew.com
