लायन्स क्लब अफ पोखरा भृकुटीको आयोजनामा भएका मंगलबार भएको रक्तदानमा ५४ युनिट रगत संकलन भएको छ ।
लायन्स क्लब इन्टरनेसनल डिस्ट्रिक्ट ३२५ बि १ का निवर्तमान गर्भनर धनराज आचार्यले पहिलो रक्तदाता प्रहरी जवान दिलबहादुर शाहीलाई ब्लड ब्याग हस्तान्तरण गरी कार्यक्रम उद्घाटन गरे ।
सो अवसरमा नेपाल रेडक्रस सोसाइटी कास्की उपसभापति तथा ब्लड बैंकका संयोजक डण्डराज शर्मा, लायन्स क्लब अफ पोखरा मुनालका अध्यक्ष जितेन्द्रमान शाक्य, नयाँबजार सांस्कृतिक समिति अध्यक्ष शम्भुलाल श्रेष्ठ, लायन्स क्लब अफ पोखरा सेन्ट्रल गार्डेनका अध्यक्ष कृष्णबहादुर रानाभाट लगायतले रक्तादानको महत्व प्रकाश पारे ।
क्लबका अध्यक्ष खिमा गुरुङको अध्यक्षतामा भएको कार्यक्रममा कार्यक्रम संयोजक स्वस्तिका लामिछानेले पनि बोलेकी थिइन् ।
