निजी तथा आवासीय विद्यालयहरुको छाता संगठन एनप्याब्सान कास्कीको खेलकुद महोत्सव अन्तर्गत सोमबार फुटबल, भलिवल तथा ह्यान्डबल प्रतियोगिता भएका छन् ।
सोमबार भएको छात्र फुटबलतर्फ युनिभर्स बोर्डिङ स्कुल, चिल्डेन एकेडेमी, कास्की मोडनाइज्ड, हेम्जा बोर्डिङ स्कुल, पुष्प सदन, पोखरा क्याब्रिज, लेखनाथ मेमोरियल र ज्ञानज्योति विद्याकुञ्ज विजयी भएको फुटबल उपसमिति छात्रतर्फका संयोजक राजु केसीले जानकारी दिए ।
छात्रा फुटबल प्रतियोगितातर्फ साइनिङ स्टार, सनराज प्रिपारोटी, सिद्धिविनायक, चिल्डे«र्स एकेडेमी, फेवा बोर्डिङ स्कुल, पोखरा क्याब्रिज र कान्तिपुर एकेडेमी विजयी भएको फुटबल उपसमिति छात्रातर्फका संयोजक हिमाल गुरुङले जानकारी दिए ।
छात्र भलिबलतर्फ अञ्जुली बोर्डिङ स्कुल, गोर्खा बोर्डिङ स्कूल, रत्नज्यो स्कूल, चिल्डेन्स एकेडेमी, हावर्ड एकेडेमी, युनिभर्स बोर्डिङ, कान्तिपुर एकेडेमी, लिटिल फ्लावर र गोर्खा बोर्डिङ स्कूल विजयी भए ।
छात्रातर्फ गोर्खा बोर्डिङ स्कूल, अञ्जुली बोर्डिङ, हावर्ड एकेडेमी, हेम्जा बोर्डिङ, कास्की मोडनाइज्ड, ज्ञानगंगा बोर्डिङ स्कूल विजयी भएको भलिबल उपसमिति संयोजकमा प्रकाशराज वाग्लेले जानकारी दिए ।
ह्याण्डबलको छात्रतर्फ नेसनल क्रियसन, अक्सपोर्ड स्कुल, चिल्डेन्र्स एकेडेमी, एलपी देवकोटा, त्रिवेणी बोर्डिङ स्कुल, रत्नज्योति बोर्डिङ स्कूल, कान्तिपुर एकेडेमी र छात्रातर्फ कान्तिपुर बोर्डिङ स्कुल, हेम्जा बोर्डिङ स्कुल र कास्की मोडनाइज्ड विजयी भएको ह्यान्डबल उपसमिति संयोजकमा अर्जुनप्रसाद अधिकारी बताए ।
मंसिर १८ गते औपचारिक उद्घाटन गरिने महोत्सव २१ गतेसम्म सञ्चालन हुनेछ ।
