कास्की जिल्ला फुटबल संघ (एन्फा) को आयोजनामा आइतबारदेखि फुटबल प्रशिक्षण सुरु भएको छ । जापानमा हुने अन्डर–१२ कोपा पुमा टोरेरोस कपमा सहभागिता जनाउनका लागि उक्त फुटबल टिम छान्न प्रशिक्षण सुरु गरिएको एन्फा कास्कीका अध्यक्ष मिलन गुरुङले जानकारी दिए ।
प्रशिक्षणमा नेपाल टिमका सहायक प्रशिक्षक किरण श्रेष्ठ, वरिष्ठ फुटबल प्रशिक्षक शम्भु केसी, संघका उपाध्यक्ष हरि खड्का, नरेश गुरुङ, विकास गुरुङ, सुविन श्रेष्ठ, प्रल्हाद हिराचन, आमादे लगायतले प्रशिक्षण दिएका छन् ।
प्रशिक्षणमा कास्की जिल्ला फुटबल संघमा आवद्ध २४ क्लब र गण्डकी प्रदेश अन्तर्गतका जिल्ला फुटबल संघका खेलाडी गरी ९७ जनाको सहभागिता छ ।
