चैत्र ६ गते २०७६

ताजा समाचार

चैत्र ६ गते २०७६

कोरोनाबाट बचाउने भन्दै गहुँत खुवाउने भाजपा नेता पक्राउ



कोरोना भाइरसबाट बचाउने भन्दै गहुँत खुवाउने भारतीय जनता पार्टीका एक नेतालाई भारतको पश्चिम बंगाल राज्यको कोलकातामा प्रहरीले पक्राउ गरेको छ।

उनले गहुँत खुवाएका एक व्यक्ति भने बिरामी परेर अस्पताल भर्ना भएका छन् ।

भाजपा नेता नारायण चटर्जीले सोमबार गाईको पूजा गर्ने कार्यक्रम राखेका थिए। त्यहाँ उपस्थित सबैलाई उनले गहुँत सेवन गराएका थिए।

तर, पहिलो पटक गहुँत खाएका पिन्टु प्रमानिक नामक व्यक्ति भने बान्ता हुने, रिंगटा लाग्ने समस्या लिएर मंगलबार अस्पताल भर्ना भएको द टाइम्स अफ इन्डियाले जनाएको छ।

अस्पतालबाटै प्रमानिकले चटर्जीविरुद्ध प्रहरीमा उजुरी दिएपछि प्रहरीले ती भाजपा नेतालाई पक्राउ गरेको हो ।