पोखराको सेती नदीको खोंचमा खसेका युवकको नेपाल प्रहरीले सकुशल उद्धार गरेको छ ।
सोमबार पोखरा महानगरपालिका–९ पार्वती टोलस्थित सेती नदीको खोंचमा आफ्नो कुकुर अड्किएपछि कुकुरलाई बचाउन लाग्दा २३ वर्षीय आकाश गुरुङ आफैं खोचमा खसेर फसेका थिए ।
खोचमा फसेका गुरुङलाई स्थानीयहरुले देखेर प्रहरीलाई खबर गरेपछि तत्कालै गण्डकी प्रदेश सशस्त्र प्रहरी गण पोखराको उद्दार समूह र वडा प्रहरी कार्यालय वैदाम कास्कीको प्रहरी टोली उक्त स्थानमा उद्दारको लागि खटिएको थियो ।
उनको अवस्था सामान्य रहेको प्रहरीले जानाएको छ ।






