पौष २७ गते २०७६

ताजा समाचार

पौष २७ गते २०७६

पोखरामा माइकिङ गर्न पाइन्छ ?



पोखरा बजारमा माइकिङमार्फत प्रचारप्रसार गर्नमा रोक लगाइएको धेरै भैसक्यो । ध्वनी प्रदुर्षण रोक्नका लागि पोखरा महानगरले यस्तो नियम लगाएको थियो ।

महानगरले रोक लगाएपछि ट्याक्सी तथा अन्य माध्ययमबाट माइकिङ गर्दै प्रचार प्रसार रोकिएको पनि थियो । तर यतिबेला फेरि ट्याक्सीमाथि माइक सेट गरेर प्रचारप्रचार गर्न थालिएको छ ।

पोखरा उद्योग वाणिज्य संघले आयोजना गरेको राष्ट्रिय औद्योगिक व्यापार मेलाको प्रचार यसैगरी भएको छ ।

केही दिनदेखि उक्त प्रचार दिनदिनै भएको छ । बजारमा मुख्यचोक तथा गल्लीहरुमा पनि यसरी माइकिङ गरिएको छ ।

महानगरले रोक लगाएपछि पनि किन माइकिङ भइरहेको छ त ? भन्ने प्रश्न पोखरा महानगरका प्रवक्ता धनबहादुर नेपालीलाई गर्दा महानगरसंग अनुमती लिएर माइकिङ गर्न पाउने बताए ।

उनले महानगरसंग अनुमति लिएर माइकिङ गर्न पाइने बताए । ‘पोखरा उद्योग वाणिज्य संघले अनुमति लिएरै माइकिङ गरेको हो’, उनले भने ।

‘त्यसो भए महानगरमा गएर अनुमति लिंदैमा जे पनि गर्न पाइने हो ?’, पोखरा–५, पर्स्याङका नागरिकको प्रश्न छ ।


हाम्रो बारेमा
नेपालदुत पाठकसम्म समाचार, सूचना, विचार र मनोरञ्जन पुर्याउने डिजिटल दुत हो । संसारमा आविष्कार भएका नयाँ प्रविधि, विश्वका घटना क्रमदेखि नेपाली पुगेका ठाउँका गतिविधि पनि हाम्रा सरोकारका विषय हुन् । नेपालदुत मिडिया प्रालि पोखराबाट सञ्चालित यो समाचार पोर्टलले विचार, विश्लेषणमा सिमित नरही खोजी पत्रकारितालाई पनि बढाबा दिने लक्ष्य…
पूरा पढाैं