ताजा समाचार

जेठ १४ गते २०७६

“चपली हाईट” की विनिता बरालले कसिन स्याङजालीसंग लगनगाठो

नेपाली सिनेमा क्षेत्रमा आफनो बोल्ड नायिकाको रुपमा प्रस्तुत गर्दै कुनै समय चर्चित बनेकी नायिका बिनिता बराल अहिले विवाह बन्धनमा बाधिएकी छिन् ।

अमेरिका रहेकी नायिका बरालले प्रेमी तिलक पौडेलसँग हिजो बिवाह गरेकी हुन् ।

बिवाह अघि मेहन्दी कार्यक्रमका तस्बिरहरु उनले सामाजिक सञ्जालमा पोस्ट गर्दै आफुले मेई २७ मा बिवाह गर्न लागेको बताएकीछिन् ।

केही समय अगाडी उनले स्याङजाका तिलकसंग इन्गेज्मेण्ट गरेकी थिईन्। तिलक फिजिक्स साइन्समा पिएचडी गर्दैछन् भने एमबिए गरेकी बिनिता जागिर गर्दैछिन् ।

चपली हाईट जस्तो बोल्ड फिल्ममा काम गरेकी बिनिता सिनेमा क्षेत्रमा काम गर्दा गर्दै अर्गानिक खेतीतर्फ लागिन् । कृषिमा लाग्दै गर्दा उनले खुबै प्रशंसा बुटलिन् । युवा बर्गका लागि उनी प्रेरणाको पात्र भएको भन्दै उनको खुबै चर्चा भएको थियो । त्यसपछि अध्ययनका लागी भनेर अमेरिका गएकी थिईन् ।