स्वस्तिमा खडकालाई टेम्पो ड्राइभरको भूमिकामा अभिनय गराएर चर्चामा आएको चलचित्र ‘बुलबुल’को टिजर युट्युबमार्फत सार्वजनिक भएको छ । ४५ दिनअघि बाटोमा नायक नायिकालाई नचाएर बेग्लै तरिकाले गीत सार्वजनिक गरेको ‘बुलबुल’को टिजर पनि अनौठो ढंगबाट आएको छ ।
चलचित्रको १ दृश्यजस्तो लाग्ने टिजरमा यस अघि चुलबुले भुमिकामा देखिँदै आएकी नायिका स्वस्तिमा खडकाको रुप र हुलिया दुरुस्तै आम टेम्पो चालिका युवतीको जस्तै देखिएको छ ।
आगामी फागुन ३ गतेदेखि प्रदर्शनमा आउने चलचित्र बुलबुलको खुद्राखाद्री मायाले बोलको गीत पनि बजारमा दिनप्रतिदिन लोकप्रिय बन्दै आएको छ । चलचित्रका निर्देशक विनोद पौडेलले चलचित्रमा स्वस्तिमाको अभिनयमा नयाँ अवतार देखिने बताएका छन् ।
नायिका स्वस्तिमा स्वयंले पनि यो चलचित्र आफ्नो करियरकै कोशेढुंगा हुने आशा राखेकी छन् । अविरल थापाले निर्माण गरेको चलचित्र हरेक १० दिनको अन्तरालमा रोचक र अनौठा प्रचार सामग्री सार्वजनिक हुँदै आएको छ ।
