सत्ता गठबन्धनमा राष्ट्रियसभा सदस्यको १९ सिटमा क्लस्टर भागबन्डा टुंग्याएको छ । गठबन्धनको प्रमुख घटक कांग्रेसले १०, माओवादीले ६, एकीकृत समाजवादी र जनता समाजवादीले दुई सिट पाएका छन् ।
गण्डकीमा कांग्रेसले खुला र महिलातर्फ उम्मेदवारी दिने छ भने माओवादीले अपाङ्ग कोटामा उम्मेदवारी दिने छ । लुम्बिनीमा कांग्रेस महिलातर्फ उम्मेदवारी दिँदा माओवादीले खुलातर्फको उम्मेदवार बनाउने छ । यस्तै सुदूरपश्चिममा कांग्रेस खुला र अपाङ्गतर्फ उम्मेदवारी दिने छ भने माओवादीले महिलातर्फको उम्मेदवारी दिने छ ।
कोशी प्रदेशको खुलातर्फ कांग्रेसले उम्मेदवारी दिने भएको छ भने महिलातर्फ माओवादीको उम्मेदवारी रहने छ । यस्तै मधेस प्रदेशको खुलातर्फ कांग्रेसले उम्मेदवारी दिने तयारी हुँदा महिलातर्फ जसपाले उम्मेदवार खडा गर्ने छ ।
बागमती र कर्णाली प्रदेशमा क्लस्टरको अन्तिम टुंगो लागिसकेको छैन ।
