सत्तारुढ गठबन्धनमा पोखरा महानगरपालिकाको भागबण्डामा सहमति भएको छ ।
गठबन्धनका शीर्ष नेताको बैठकले ६ मध्ये तीन महानगरको नेतृत्व कांग्रेसले लिने, माओवादी, एकीकृत समाजवादी र जनता समाजवादी पार्टीले एकरएक महानगरको नेतृत्व लिने सहमति गरेको हो ।
पोखरा महानगरपालिकाको नेतृत्व एकीकृत समाजवादी(एस)ले पाएको छ । नेकपा माओवादी केन्द्रले भरतपुर महानगरपालिका र जनता समाजवादी पार्टीले वीरगञ्ज महानगरपालिकाको नेतृत्व पाउने छन् ।
नेपाली कांग्रेसले काठमाडौं, ललितपुर र विराटनगर महानगरपालिकाको मेयर पाएको छ ।
महानगरका उपमेयरमा सहमति भएको छ । कांग्रेसलाई तीन र अरुलाई एक, एकवटा महानगरको उपमेयर दिइएको छ ।
कांग्रेसले पोखरा, वीरगञ्ज र भरतपुरको उपमेयरमा पाउनेछ । नेकपा एकीकृत समाजवादीले गठबन्धनका तर्फबाट काठमाडौंमा उपमेयर पाएको छ ।
ललितपुरमा माओवादी र बिराटनगरमा जसपाले उममेयर पाएका छन् ।
